.GE
დომენის ადმინისტრაცია

კავკასუს ონლაინი არის საერთაშორისო ორგანიზაცია ICANN-ის მიერ აკრედიტირებული კომპანია, რომელსაც აქვს ავტორიზაცია, განახორციელოს საქართველოსთვის გამოყოფილი ზედა დონის .GE დაბოლოების მქონე დომენური სახელების ადმინისტრატორობის ფუნქცია.

რეგისტრატორის ფუნქცია-მოვალეობებს ასრულებენ კავკასუს ონლაინის მიერ აკრედიტირებული რეგისტრატორები.

დომენური სახელის რეგისტრაცია, რეგისტრაციის განახლება, საკონტაქტო ინფორმაციის განახლება, ტექნიკური მახასიათებლების ცვლილება, დომენური სახელის გადაცემა, რეგისტრატორის ცვლილება შესაძლებელია ონლაინ რეჟიმში კავკასუს ონალინის მიერ აკრედიტირებული რეგისტრატორების ვებ გვერდების მეშვეობით. აკრედიტირებული რეგისტრატორების სია იხილეთ შემდეგ ბმულზე: http://nic.ge

GE-ზონაში შესაძლებელია შემდეგი დაბოლოების დომენური სახელების რეგისტრაცია:

• *.ge - ნებისმიერი ფიზიკური თუ იურიდიული პირისთვის;
• *.com.ge (ზოგადი) - ნებისმიერი ფიზიკური თუ იურიდიული პირისთვის;
• *.edu.ge (ზოგადი) - მხოლოდ ზოგადსაგანმანათლებლო დაწესებულების/სკოლის და უმაღლესი საგანმანათლებლო დაწესებულებებისთვის;
• *.org.ge (ზოგადი) - მხოლოდ არაკომერციული ორგანიზაციებისთვის;
• *.net.ge (ზოგადი) - მხოლოდ ორგანიზიციებისათვის, რომლებიც წარმოადგენენ ქსელების პროვაიდერებს ან მათი საქმიანობა დაკავშირებულია ელექტრონული კომუკაციების სფეროსთან;
• *.pvt.ge (ზოგადი) - მხოლოდ კერძო პირებისათვის;
• *.school.ge (ზოგადი) - მხოლოდ ზოგადსაგანმანათლებლო დაწესებულების/სკოლისთვის;
• *.gov.ge (ზოგადი)- მხოლოდ სახელმწიფო ხელისუფლების ორგანოსთვის.